Pwyllgor Archwilio a Risg

Mae Mair Gwynant yn gyfrifydd siartredig sydd â phrofiad sylweddol o weithio ar draws y sector cyhoeddus, y sector preifat a'r trydydd sector. Mae wedi gweithio mewn swyddi uwch o fewn Llywodraeth Cymru, Swyddfa Cyllid Ewropeaidd Cymru, Canolfan Cydweithredol Cymru a Deloitte Touche LLP gan ddatblygu diddordeb ac arbenigedd penodol mewn perthynas â llywodraethiant y sector cyhoeddus, rheoliadau'r UE, elusennau a busnesau cymdeithasol.

Yn 2013, sefydlodd ei busnes ymgynghori ei hun yn cynghori ar bob agwedd ar reolaeth ariannol, llywodraethiant a datblygu sefydliadol.

Mair yw cadeirydd y pwyllgor archwilio a risg ers Gorffennaf 2021.

Mae Jayne yn gyfrifydd siartredig ac yn arbenigo mewn darparu cyngor cyllidol, risg a llywodraethiant yn y sector cyhoeddus. Mae’n gyfarwyddwr anweithredol mewn sawl sefydliad yn y sector addysg gan gynnwys Cymwysterau Cymru a’r Comisiwn Addysg Drydyddol ac Ymchwil ac mae’n aelod o bwyllgor cyfalaf Cyngor Celfyddydau Cymru. Mae ganddi brofiad sylweddol o wasanaethu ar bwyllgorau archwilio a risg ac mae wedi gweithio yn y sectorau cyhoeddus a phreifat ar amrywiaeth eang o faterion ariannol. Yn gynt, bu’n Brif Swyddog Cyllid i Gomisiynydd yr Heddlu ac yn ymgynghorydd ac yn archwilydd yn Deloitte.

Mae Liz yn meddu ar 38 mlynedd o brofiad yng nghyllid sector gyhoeddus. Bu’n gyfrifydd ac yn darparu cyngor i awdurdod heddlu, gwasanaeth tân, gwasanaeth llysoedd ynadon, gwasanaeth prawf, gwasanaeth safonau masnach, gwasanaeth crwner a gwasanaeth cynllunio argyfwng.  Am sawl blwyddyn, mae Liz wedi bod yn swyddog arweiniol ar gyfer archwilio gwasanaethau mewnol ac allanol ac mae ganddi brofiad helaeth o archwilio cyllidebau blynyddol a pherfformiad o fewn cwmnïau preifat a Swyddfa Archwilio Cymru.

Roedd ei yrfa gynnar yn y Fyddin, gan ymddeol fel Uwchgapten ar ôl 18 mlynedd o wasanaeth, lle roedd yn gyfrifol am gynllunio milwrol strategol ar gyfer gweithrediadau ymyrraeth fyd-eang ac achub.

Wedi hynny aeth i weithio ym myd busnes. Penodiad gweithredol olaf Alan oedd fel Rheolwr Gyfarwyddwr Grŵp Undeb Ffermwyr Cymru lle roedd wedi mynd i’r afael â’r heriau yr oedd y diwydiant ffermio yn eu hwynebu o ganlyniad i Brexit tra hefyd yn sefydlu a gweithredu strwythurau gweithredu a threfniadau llywodraethu newydd i baratoi’r Undeb yn well ar gyfer y dyfodol.