Mae Comisiynydd y Gymraeg wedi ymrwymo i wneud ei wefannau yn hygyrch yn unol â Rheoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2).
Mae'r datganiad hygyrchedd hwn yn berthnasol i wefannau Comisiynydd y Gymraeg a’r Welsh Language Commissioner. Mae'r ddwy wefan yn cael eu rhedeg gan Gomisiynydd y Gymraeg (Y Comisiynydd).
Mae’r Comisiynydd eisiau i bawb allu cael mynediad i’r gwefannau. Er enghraifft, mae hynny’n golygu y dylech chi allu:
- newid lliwiau, lefelau cyferbyniad, a ffontiau
- chwyddo'r testun dros 150% heb i'r testun ddiflannu oddi ar y sgrin
- symud o gwmpas y rhan fwyaf o'r wefan gan ddefnyddio bysellfwrdd yn unig
- symud o gwmpas y rhan fwyaf o'r wefan gan ddefnyddio meddalwedd adnabod llais
- gwrando ar y rhan fwyaf o'r wefan gan ddefnyddio darllenydd sgrin
Rydym hefyd wedi gwneud testun y wefan mor syml â phosibl i'w ddeall.
Statws cydymffurfio
Mae'r gwefannau hyn yn cydymffurfio'n rhannol â safon AA Canllawiau Hygyrchedd Cynnwys y We fersiwn 2.2, yn sgil y diffyg cydymffurfiaeth sydd wedi’u rhestru isod.
Cynnwys nad yw'n hygyrch
Nid yw'r cynnwys a restrir isod yn hygyrch am y rhesymau canlynol:
- diffyg cydymffurfiaeth â'r rheoliadau hygyrchedd
- baich anghymesur
Diffyg cydymffurfiaeth â rheoliadau hygyrchedd
Mae'r Comisiynydd yn gwybod nad yw rhannau canlynol y gwefannau’n gwbl hygyrch:
- Nid yw rhai dolenni ar y gwefannau yn hunanesboniadol ar gyfer defnyddiwr darllenydd sgrin. Mae hyn yn golygu methu â chyflawni maen prawf llwyddiant WCAG 2.4.4 Pwrpas Dolen (Mewn Cyd-destun)
- Nid oes gan rai delweddau opsiwn testun. Mae hyn yn golygu methu â chyflawni maen prawf llwyddiant WCAG 1.1.1 (Cynnwys nad yw’n Destun).
- Nid yw rhai elfennau’n pasio'r lefel isaf o ran cymhareb cyferbyniad lliw sy’n 4.5:1 ar gyfer testun arferol a 3:1 ar gyfer testun mawr. Mae hyn yn golygu methu â chyflawni maen prawf llwyddiant WCAG 1.4.3 Cyferbyniad (y lefel isaf).
- Nid yw rhai tudalennau yn defnyddio elfennau pennawd priodol ar gyfer hierarchaeth penawdau. Mae hyn yn golygu methu â chyflawni maen prawf llwyddiant WCAG 1.3.1 Gwybodaeth a Pherthnasoedd.
- Nid oes marciau priodol a semantig ar rai elfennau er mwyn darparu gwybodaeth bellach ar gyfer technoleg gynorthwyol. Mae hyn yn golygu methiant o ran maen prawf llwyddiant WCAG 4.1.2 Enw, Rôl,
Rydym yn gwybod am y meysydd hyn lle nad yw'r gwefannau'n bodloni safonau hygyrchedd ac mae gennym gynllun i fynd i'r afael â phob un ohonynt:
- Mae’r Comisiynydd yn gwirio’n rheolaidd am unrhyw ddolenni ar y tudalennau gwe sydd wedi torri’n ddiweddar ac yn eu trwsio cyn gynted ag y cânt eu nodi.
- Ni fydd dolenni sydd wedi torri mewn dogfennau a gyhoeddwyd cyn Medi 2018 yn cael eu trwsio oni bai eu bod yn hanfodol er mwyn i ddefnyddwyr gael mynediad at wasanaeth.
- Pan fydd cynnwys newydd yn cael ei gyhoeddi, bydd y Comisiynydd yn sicrhau bod y dolenni’n bodloni safonau hygyrchedd. Mae'r Comisiynydd wedi blaenoriaethu adolygu a datrys materion hygyrchedd ar y tudalennau sydd â'r nifer uchaf o ddefnyddwyr ar gyfer y gwasanaethau mwyaf hanfodol.
Dogfennau hŷn
Nid yw'r Comisiynydd yn bwriadu datrys y canlynol, gan eu bod wedi'u heithrio o'r rheoliadau:
Nid yw'r rhan fwyaf o’r PDFs, ffeiliau Excel a dogfennau Word hŷn yn bodloni safonau hygyrchedd. Er enghraifft, efallai nad ydynt wedi'u strwythuro mewn modd sy’n hygyrch i ddarllenydd sgrin. Nid yw'r rheoliadau hygyrchedd yn ei gwneud yn ofynnol i ni drwsio PDFs na dogfennau eraill a gyhoeddwyd cyn 23 Medi 2018 oni bai eu bod yn hanfodol er mwyn darparu’r gwasanaeth.
Felly, nid yw'r Comisiynydd yn bwriadu datrys y wybodaeth ganlynol os cafodd ei chyhoeddi cyn 23 Medi 2018:
- Priodoleddau testun alt sydd ar goll
- Tablau nad ydynt yn ddogfennau hygyrch, megis PDFs, ffeiliau Excel a Word nad ydynt yn bodloni safonau hygyrchedd.
Baich anghymesur
Mae gwefannau'r Comisiynydd yn cynnwys cannoedd o dudalennau a dogfennau hanesyddol. Efallai bod rhai ohonynt wedi'u heithrio o'r rheoliadau fel yr eglurir uchod. Byddai'n cymryd cryn dipyn o amser ac arian i adolygu a mynd i'r afael â’r rhain yn llawn, felly mae'r Comisiynydd wedi asesu y byddai hyn yn faich anghymesur ar hyn o bryd.
Asesiad Comisiynydd y Gymraeg o faich anghymesur
Beth rydym yn ei wneud i wella hygyrchedd
Mae'r Comisiynydd wrthi’n ceisio gwella hygyrchedd y gwefannau.
Dyma rai o'r meysydd rydym yn canolbwyntio arnynt er mwyn gwneud y gwefannau'n fwy hygyrch:
- Adolygu cyferbyniad lliw'r testun i wneud yn siŵr bod mwy o gyferbyniad.
- Adolygu'r prif dudalennau gwe i sicrhau eu bod yn cynnwys priodoleddau testun alt.
- Adolygu testun dolenni i sicrhau bod eu pwrpas yn glir 4.5:1 ar gyfer testun arferol a 3:1 ar gyfer testun mawr.
- Adolygu hierarchaeth y penawdau i sicrhau bod penawdau'n cael eu defnyddio'n briodol ac yn eu trefn.
- Adolygu'r ffurflenni i sicrhau bod perthynas rhwng y mewnbwn a’r label a’i fod yn briodol.
- Adolygu ein cod i sicrhau ein bod yn defnyddio'r safonau diweddaraf o ran technoleg y we.
Bydd y rhestr o bethau sydd wedi’u gwneud er mwyn gwneud y gwefannau’n fwy hygyrch yn cael ei diweddaru wrth i’r gwaith gael ei gwblhau. Ar hyn o bryd rydym yn gweithio i ddileu'r problemau hyn gyda'r bwriad o'u datrys erbyn diwedd Medi 2025.
Paratoi'r datganiad hygyrchedd hwn
Paratowyd y datganiad hwn ym mis Gorffennaf 2021. Fe'i hadolygwyd ddiwethaf ym mis Chwefror 2025.
Cafodd y wefan hon ei phrofi ddiwethaf yn Rhagfyr 2024. Cynhaliwyd y prawf gan gwmni Spindogs ar sail sampl o dudalennau i safon WCAG 2.2 AA. .
Manylion cyswllt ac adborth
Os ydych chi angen gwybodaeth am y gwefannau hyn mewn fformat gwahanol, fel PDF hygyrch, print bras, fersiwn hawdd ei ddarllen, recordiad sain neu braille cysylltwch â ni:
- Ffôn: 0345 603 3221
- E-bost: post@cyg-wlc.cymru
Bydd y Comisiynydd yn ystyried eich cais ac yn cysylltu â chi o fewn pum diwrnod gwaith.
Rhoi gwybod am broblemau hygyrchedd gyda gwefannau'r Comisiynydd
Mae'r Comisiynydd yn ceisio gwella hygyrchedd y gwefannau. Os ydych yn dod ar draws problemau nad ydynt wedi'u rhestru ar y dudalen neu os nad ydych yn credu bod rhywbeth yn bodloni gofynion hygyrchedd, anfonwch e-bost at y Cyfarwyddwr Llywodraethiant a Gwasanaethau Corfforaethol ar post@cyg-wlc.cymru.
Gweithdrefn orfodi
Mae'r Comisiwn Cydraddoldeb a Hawliau Dynol yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau a Rhaglenni ar gyfer Ffonau Symudol) (Rhif 2) 2018 (y ‘rheoliadau hygyrchedd’).
Os nad ydych yn hapus â’r ffordd rydym yn ymateb i'ch cwyn, cysylltwch â'r Gwasanaeth Cynghori a Chefnogi Cydraddoldeb (EASS).