Cynyddu defnydd o’r Gymraeg

Cewch gyngor ar sut i gynnwys y Gymraeg o’r cychwyn a drafftio’n ddwyieithog, yn ogystal ag awgrymiadau ar sut i drefnu a defnyddio cyfieithu yn effeithiol yn y canllaw yma:

• Drafftio dwyieithog, cyfieithu, a chyfieithu ar y pryd
• Canllawiau Cymraeg Clir Canolfan Bedwyr 

Mae’r Ganolfan Dysgu Cymraeg Genedlaethol yn darparu cyrsiau ar gyfer pob pwynt ar y siwrne o ddysgu’r Gymraeg.

Er fod rhywun yn siarad Cymraeg, efallai nad ydynt wedi arfer defnyddio’r iaith mewn sefyllfa broffesiynol, neu heb ei defnyddio ers nifer o flynyddoedd. Gallwch eu cefnogi i gynyddu eu hyder ac i ddod yn fwy parod i ddefnyddio’r Gymraeg yn y gwaith. 

Sesiynau Codi Hyder, y Ganolfan Dysgu Cymraeg.

Cynllun sydd wedi ei ddatblygu gan Brifysgol Bangor, drwy nawdd Llywodraeth Cymru i annog staff i ddefnyddio mwy o Gymraeg gyda’i gilydd yn y gwaith.  

Mae ARFer yn cael ei ddatblygu i fod yn ap rhyngweithiol y gellir ei ddefnyddio mewn gwahanol gyd-destunau gwaith i gefnogi newid mewn arferion iaith. 

Mae’n addas i bawb o fewn y gweithle – staff sy’n rhugl yn y Gymraeg, staff sy’n deall Cymraeg ond sy’n ddi-hyder i’w defnyddio a staff sy’n dysgu Cymraeg. 

Mae llawer o adnoddau ar gael yma gan y Ganolfan Dysgu i helpu datblygu sgiliau llafar ac ysgrifenedig, ac i fagu hyder defnyddwyr.

Ni fydd staff bob amser yn gwybod pa rai o’u cydweithwyr sy’n siarad Cymraeg, felly gall gwneud hynny’n fwy amlwg arwain at fwy o ddefnydd o’r Gymraeg.  

Mae nifer o bethau y gallwch ei wneud fel sefydliad i roi cyfleoedd i bobl ddefnyddio’r Gymraeg y tu allan i gyd-destun gwaith ffurfiol a fydd yn helpu annog defnydd ymysg dysgwyr a siaradwyr Cymraeg llai hyderus.  

Gweithgareddau creadigol i gynyddu hyder gan Gyngor y Celfyddydau.

Cofiwch fod y safonau yn gosod disgwyliadau clir am ddarparu materion cyflogaeth yn Gymraeg i staff. Dylai’r cynnig hwn fod yn glir a di-ofyn i bawb.  

Mae'r rhestr wirio yma wedi ei chreu er mwyn i chi allu gwneud yn siŵr eich bod yn gwneud popeth sydd yn ofynnol dan y safonau.  

Siarter Twf TUC Cymru

Mae Siarter Twf TUC Cymru yn adnodd i helpu gweithwyr, canghennau undebau llafur a chyflogwyr i gydweithio i gefnogi'r ddarpariaeth o weithleoedd dwyieithog cynhwysol a thwf yn y defnydd o’r Gymraeg yn y gwaith.      

Fframwaith galluogi yw Siarter Twf sy’n cynnwys pedwar egwyddor graidd i gefnogi’r broses o ddarparu gweithleoedd cynhwysol sy’n deg, cyfiawn a chyfartal: 

• Twf a hawliau’r Gymraeg
• Cynhwysiant a chyfiawnder ieithyddol
• Arweinyddiaeth ac atebolrwydd
• Dysgu parhaus a meithrin hyder 

Gall cyflogwyr ymrwymo i Siarter Twf TUC Cymru trwy gyd-lofnodi gydag undeb llafur y gweithle. Mae’r ddau barti yn ymrwymo i ddefnyddio Siarter Twf i weithio mewn partneriaeth wrth ddarparu gweithle ddwyieithog cynhwysol  ac i hyrwyddo a galluogi’r twf yn y defnydd o’r Gymraeg yn y gwaith. 

Wrth arwyddo Siarter Twf, mae canghennau undebau llafur a’r cyflogwr yn ymrwymo i gydweithio yn seiliedig ar y bedair egwyddor graidd. 

Gallwch ddarllen mwy am y Siarter Twf yma.