Pwyllgor Archwilio a Risg

Mae Jayne yn gyfrifydd siartredig ac yn arbenigo mewn darparu cyngor cyllidol, risg a llywodraethiant yn y sector cyhoeddus. Mae’n gyfarwyddwr anweithredol mewn sawl sefydliad yn y sector addysg gan gynnwys Cymwysterau Cymru a’r Comisiwn Addysg Drydyddol ac Ymchwil ac mae’n aelod o bwyllgor cyfalaf Cyngor Celfyddydau Cymru. Mae ganddi brofiad sylweddol o wasanaethu ar bwyllgorau archwilio a risg ac mae wedi gweithio yn y sectorau cyhoeddus a phreifat ar amrywiaeth eang o faterion ariannol. Yn gynt, bu’n Brif Swyddog Cyllid i Gomisiynydd yr Heddlu ac yn ymgynghorydd ac yn archwilydd yn Deloitte.

Roedd ei yrfa gynnar yn y Fyddin, gan ymddeol fel Uwchgapten ar ôl 18 mlynedd o wasanaeth, lle roedd yn gyfrifol am gynllunio milwrol strategol ar gyfer gweithrediadau ymyrraeth fyd-eang ac achub.

Wedi hynny aeth i weithio ym myd busnes. Penodiad gweithredol olaf Alan oedd fel Rheolwr Gyfarwyddwr Grŵp Undeb Ffermwyr Cymru lle roedd wedi mynd i’r afael â’r heriau yr oedd y diwydiant ffermio yn eu hwynebu o ganlyniad i Brexit tra hefyd yn sefydlu a gweithredu strwythurau gweithredu a threfniadau llywodraethu newydd i baratoi’r Undeb yn well ar gyfer y dyfodol.

Mae Aled yn bartner i gwmni cyfreithwyr Hugh James, ac yn dod â phrofiadau eang a gwerthfawr i gyfrannu at waith y pwyllgor. Yn ogystal â’i gwaith fel Cyfreithiwr, mae Aled hefyd yn ymddiriedolwr i Urdd Gobaith Cymru, Menter Caerdydd, ac yn Gyfarwyddwr i’r Eisteddfod Genedlaethol.

Mae Bethan yn gyfrifydd siartredig. Gweithiodd gyda PwC a chwmniau rhagflaenol am 18 mlynedd cyntaf ei gyrfa. Yn fwy diweddar bu’n Brif Weithredwr interim o’r Cyngor Cyllido Addysg Uwch (HEFCW) ac yna’n Gyfarwyddwr gweithredol yn y Comisiwn Addysg Drydyddol ac Ymchwil (Medr). Mae gyda hi brofiad sylweddol o faterion llywodraethiant, rheoleiddio a rheoli risg yn y sector gyhoeddus ac elusennol, yn ogystal a phrofiad o weithio fel archwilydd a chynghorydd ar faterion ariannol gyda amrywiaeth o fusnesau preifat. Mae Bethan yn lywodraethwr ysgol, yn ymddiriedolwr elusen ac yn aelod o bwyllgor archwilio Comisiwn coffa cymorth Marshall.

Mae Geraint yn arbenigo mewn llywodraethu a chydymffurfiaeth o fewn sefydliadau cyhoeddus. Ers 2021, mae'n Ysgrifennydd Bwrdd S4C, gan gynghori'r Bwrdd ar lywodraethu effeithiol a chydymffurfiaeth â gofynion statudol a rheoleiddiol. Cyn hynny, bu'n Ysgrifennydd Prifysgol Aberystwyth am dros wyth mlynedd, lle arweiniodd adolygiad o'r Siarter Frenhinol a'r Statudau. Mae hefyd yn ymddiriedolwr gyda'r elusen HAHAV yng Ngheredigion, a chyda Chelfyddydau Cenedlaethol Ieuenctid Cymru.