Gall busnesau preifat a sefydliadau trydydd sector weithio gyda thîm Hybu Comisiynydd y Gymraeg er mwyn derbyn y Cynnig Cymraeg. Cydnabyddiaeth swyddogol gan y Comisiynydd yw’r Cynnig Cymraeg ar gyfer sefydliadu sydd wedi gweithio gyda ni er mwyn llunio Cynllun Datblygu’r Gymraeg cryf. Mae hyn yn rhoi cyfle i sefydliadau ddatblygu eu gwasanaethau Cymraeg dros amser, ac i ddangos i’r cyhoedd eu bod yn ymfalchïo yn y Gymraeg. Mae dros 160 o sefydliadau wedi derbyn y Cynnig Cymraeg erbyn hyn, ac mae’r ffigwr yma’n tyfu’n fisol.
Podlediad y Cynnig Cymraeg
Yn ein podlediad mae Mathew Thomas, Pennaeth Tîm Hybu Comisiynydd y Gymraeg, yn sgwrsio gyda Hanna Hopwood am waith y tîm ac yn benodol am y Cynnig Cymraeg. Yn ymuno â nhw mae Harri Jones o gymdeithas adeiladu’r Principality. Gwrandewch isod.