Dros y blynyddoedd diwethaf, rydym wedi cyhoeddi adroddiadau yn flynyddol sydd yn nodi ei chanfyddiadau a’i barn ar y ffordd y mae sefydliadau’n perfformio yn unol â’u dyletswyddau iaith o flwyddyn i flwyddyn. Mae’r Comisiynydd hefyd yn cyflwyno ei barn am brofiadau pobl wrth iddyn nhw geisio defnyddio gwasanaethau cyhoeddus yn Gymraeg.
Roedd yr adroddiadau yn seiliedig ar dystiolaeth oedd wedi ei gasglu yn ystod y flwyddyn oedd yn cynnwys:
- gwaith monitro: arolygon profiad defnyddwyr, gwirio adroddiadau blynyddol a chofnodion, ac astudiaethau thematig.
- ymgysylltu â defnyddwyr: cynnal digwyddiadau amrywiol ar hyd a lled Cymru er mwyn clywed am brofiadau pobl.
- cyswllt â sefydliadau: cynnal cyfarfodydd a gweithdai.
Gall sefydliadau ddefnyddio’r adroddiadau isod i wella sut maent yn gweithio. Rydym yn annog sefydliadau i ystyried canfyddiadau’r adroddiadau a chymharu eu perfformiad nhw yn erbyn y tueddiadau sy’n cael eu nodi yn yr adroddiad.