Penderfyniadau polisi

Yn gynharach eleni, fe gynhaliom linell ymholi ar drefniadau sefydliadau i gydymffurfio â gofynion y safonau llunio polisi.

Rydym wedi cyhoeddi adroddiad pwysig sy’n rhannu ein prif ganfyddiadau, ac yn cynnwys cyfres o argymhellion ar sail y dystiolaeth a dderbyniwyd. Mae’r adroddiad hefyd yn adnabod arferion da, yn ogystal â rhai meysydd sydd angen eu gwella.

Rydym wedi paratoi canllaw a thempled ymarferol i gefnogi swyddogion drwy’r broses o asesu effaith penderfyniadau polisi ar y Gymraeg. Nod y canllawiau sicrhau fod sefydliadau yn rhoi ystyriaeth gydwybodol i’r Gymraeg wrth lunio a gweithredu polisïau addysg. Mae’r pecyn hwn yn cynnwys templed clir i’w ddilyn wrth gynnal asesiad effaith, ynghyd ag asesiad enghreifftiol er mwyn cynnig arweiniad ymarferol ar ddisgwyliadau a dull gweithredu effeithiol.

Noder nad yw dilyn y canllaw a'r templed hwn, ynddo’i hun, yn gwarantu cydymffurfiaeth â gofynion y safonau. Yn hytrach, bwriedir iddynt weithredu fel adnodd ymarferol i gefnogi swyddogion wrth asesu effaith penderfyniadau polisi addysg ar y Gymraeg, gan eu tywys drwy’r broses ac amlygu egwyddorion ac arferion da. Dylid hefyd ystyried y canllaw hwn ochr yn ochr â’r ddogfen gyngor gyffredinol sydd eisoes ar gael ar gynnal asesiadau o effaith polisïau ar y Gymraeg, gan fod y ddogfen hon yn ategu ac yn adeiladu ar y cyngor hwnnw mewn cyd-destun addysg.

Seminar: Dogfennau Ymgynghori

Dyma ddolenni at recordiad o’n seminar ar ddogfennau ymgynghori oedd yn ystyried penderfyniad pellgyrhaeddol Tribiwnlys y Gymraeg. Bwriad y seminar oedd dadansoddi ac egluro penderfyniad y Tribiwnlys, a chodi ymwybyddiaeth a dealltwriaeth o’r hyn sy’n rhaid gwneud i gydymffurfio â Safonau’r Gymraeg wrth gyhoeddi dogfennau ymgynghori. Gallwch gael mynediad at y cyflwyniadau isod:

Seminar: Ystyried Effaith

Dyma ddolenni at recordiad o’n seminar ar y safonau llunio polisi oedd yn anelu i godi ymwybyddiaeth sefydliadau o ofynion y safonau hyn a’u heffaith ar ymdrechion i gynyddu nifer siaradwyr Cymraeg, ac ar greu cyfleoedd i bobl ddefnyddio’r Gymraeg yn eu bywydau pob dydd.

Mae’r ddogfen gyngor yn cynnig syniadau a chyngor ymarferol ynghylch sut i fynd ati i gydymffurfio â’r safonau llunio polisi gan gynnwys astudiaethau achos ac enghreifftiau o fethodoleg a thempledi i’w defnyddio.

Mae adran 5 y cod yn rhoi canllawiau ymarferol am ofynion y safonau llunio polisi. Er mai cod ymarfer ar gyfer sefydliadau sy’n dod o dan Reoliadau Safonau’r Gymraeg (Rhif 1 a Rhif 7) yw rhain mae’r cynnwys yn berthnasol i gyrff eraill sy’n ddarostyngedig i’r un ddyletswydd mewn rheoliadau eraill.