Panel Cynghori

Mae Gwyn Williams wedi treulio dros 25 mlynedd yn gweithio yn y cyfryngau. Bu’n gweithio i Gomisiynydd y Gymraeg fel Cyfarwyddwr Hybu, Cyfathrebu a Gweinyddu gan ymuno ag S4C fel Cyfarwyddwr Cyfathrebu yn 2015. Erbyn hyn Gwyn yw Prif Swyddog Cymdeithas Cyfieithwyr Cymru.  Mae’n aelod anweithredol o fwrdd Theatr Genedlaethol Cymru. Gwyn yw cadeirydd y Panel Cynghori. 

Mae Anne Davies yn Athro y Gyfraith a Pholisi Cyhoeddus yn y Adran y Gyfraith ym Mhrifysgol Rhydychen. Mae ganddi arbenigedd ym maes ysgrifennu am gyfraith gyflogaeth a chyfraith gyhoeddus, yn enwedig, am gytundebau llywodraeth. Mae ei harbenigedd cyfreithiol yn werthfawr wrth gynghori’r Comisiynydd o ran arfer ei swyddogaethau. Mae Anne wedi dysgu Cymraeg fel oedolyn a bydd yn gallu cyfrannu safbwynt dysgwyr i drafodaethau’r Panel Cynghori.

Mae Nia Elias yn arwain timoedd Dyngarol a Phartneriaethau i Blood Cancer UK. Mae hi’n cyfuno'r swydd hon â'i swydd ar Fwrdd Cyfarwyddwyr y Coleg Cymraeg Cenedlaethol.  Treuliodd Nia bum mlynedd fel Dirprwy Gyfarwyddwr Perfformiad Busnes yng Nghanolfan Mileniwm Cymru yn arwain timau cynhyrchu incwm a phrofiad cwsmeriaid. Bydd ei phrofiad ymarferol o arwain ar weithredu Safonau'r Gymraeg o fewn y sefydliad yn cynnig safbwynt pwysig i drafodaethau’r panel.

Mae gan Rona Aldrich gradd Meistr mewn Llyfrgellyddiaeth ac Astudiaethau Gwybodaeth o Brifysgol Aberystwyth. Ei nod yn ystod ei gyrfa oedd sicrhau mynediad hwylus at wybodaeth a diwylliant o bob math i bawb mewn cymdeithas. Cyn ymddeol roedd yn Brif Swyddog gyda Chyngor Sir Conwy. Ar ôl cyfnod o fod yn hunan-gyflogedig, mae erbyn hyn yn eistedd ar Bwyllgor Cymru Cronfa Gymunedol y Loteri Genedlaethol ac yn Is-gadeirydd Cyngor Llyfrau Cymru.

Mae Elin Maher yn ymgynghorydd iaith ac addysg llawrydd ers nifer o flynyddoedd. Mae wedi bod yn gweithio yn y byd addysg ac o fewn maes datblygu cymunedol a chynllunio ieithyddol trwy gydol ei gyrfa, gyda’r Gymraeg a dwyieithrwydd yn graidd i’w gwaith.  Bu’n gweithio i fudiadau Rhieni Dros Addysg Gymraeg, Menter Iaith Casnewydd ac i Gyngor Bwrdeistref Torfaen.