Rhestr o ofynion cyfreithiol yw safonau’r Gymraeg. Y Comisiynydd sydd yn penderfynu pa safonau i'w gosod ar sefydliadau.
Pwrpas safonau’r Gymraeg yw:
- Ei gwneud yn fwy eglur i bobl yng Nghymru beth i'w ddisgwyl gan sefydliadau;
- Ei gwneud yn eglur i sefydliadau beth yw eu dyletswyddau o ran y Gymraeg;
- Sicrhau mwy o gysondeb o ran gwasanaethau Cymraeg a gwella eu hansawdd.
Pwy sy’n gweithredu safonau’r Gymraeg?
Mae dros 120 o sefydliadau cyhoeddus yn gweithredu safonau’r Gymraeg.
• Cynghorau sir
• Parciau cenedlaethol
• Gweinidogion Cymru (Llywodraeth Cymru)
• Sefydliadau cyhoeddus cyffredinol Cymru a’r DU (e.e. Amgueddfa Genedlaethol Cymru, S4C, Y Gronfa Loteri Fawr, Swyddfa’r Comisiynydd Gwybodaeth)
• Tribiwnlysoedd yng Nghymru
• Gofal Cymdeithasol Cymru
• Cyngor y Gweithlu Addysg
• Heddluoedd
• Gwasanaethau tân ac achub
• Colegau addysg uwch ac addysg bellach
• Prifysgolion
• Byrddau iechyd
• Ymddiriedolaethau Gwasanaethau Iechyd Gwladol,
• Cynghorau iechyd cymuned.
Dros amser bydd mwy o sefydliadau yn dod o dan safonau.
