Beth ydym ni eisiau ei weld?
Pob sefydliad sy’n gweithredu safonau’r Gymraeg yn cynyddu’r defnydd o’r Gymraeg yn fewnol, ac yn galluogi staff i fyw bywyd gwaith cyflawn drwy’r Gymraeg
Pob man gwaith yn cynyddu cyfleodd i ddefnyddio’r Gymraeg rhwng staff a gyda defnyddwyr.
Mwy o sefydliadau’n defnyddio’r Gymraeg fel prif iaith gweithredu mewnol, a chynnal y sefyllfa honno lle mae eisoes yn weithredol.
Mae adnoddau a gwybodaeth defnyddiol am gamau y gallwch eu cymryd i gynyddu defnydd o’r Gymraeg yn eich sefydliad ar gael o dan y penawdau isod:
Arweinyddiaeth
Mae arweinyddiaeth gref yn bwysig wrth osod disgwyliadau ac arwain drwy esiampl er mwyn creu awyrgylch gadarnhaol tuag at y Gymraeg o fewn sefydliad.
Gweler ganllaw a chymorth i gadeirio cyfarfodydd yn Gymraeg.
Mae nifer o syniadau yn y canllaw hwn gan Gyngor y Celfyddydau.
Seilwaith weinyddol
Trwy osod seilwaith gadarn gyda gweinyddiaeth, adnoddau dynol a defnydd o dechnoleg, gallwch hwyluso ac annog mwy o ddefnydd iaith a magu hyder pawb wrth ddefnyddio’r Gymraeg yn y gweithle. Mae’r safonau yn gofyn bod eich gweinyddiaeth mewnol yn caniatáu i swyddogion ddefnyddio’r Gymraeg wrth ymdrin â materion cyflogaeth. Maent hefyd yn gofyn bod mynediad at dechnoleg yn Gymraeg, ac yn hwyluso defnydd o’r Gymraeg.