Sefydliadau sydd â'r Cynnig Cymraeg

• Gallwch siarad Cymraeg â meddygon teulu, nyrsys, staff cymorth gofal iechyd, fferyllydd, staff y fferyllfa a staff derbynfa a gweinyddol sy’n siarad Cymraeg.
• Maent yn cofnodi dewis iaith cleifion er mwyn cefnogi eu gofal.
• Mae eu negeseuon ffôn wedi’u recordio yn ddwyieithog.
• Mae eu gwefan, eu harwyddion a hysbysiadau’r feddygfa yn ddwyieithog.
• Mae staff sy’n siarad Cymraeg yn gwisgo adnoddau Iaith Gwaith.

• Siarad Cymraeg gyda y plant
• Gohebiaeth yn mynd allan yn ddwyieithog i bawb
• Hysbysebu unrhyw ohebiaeth Cymraeg sydd yn dod yma e.e. Mudiad Meithrin. Maent yn pasio negeseuon ymlaen i’r rhiant.
• Arwyddion Cymraeg
• Staff i wisgo adnoddau Iaith Gwaith er mwyn adnabod siaradwyr Cymraeg.

• Maent yn darparu gwasanaeth gofal plant cyfrwng Cymraeg i blant 2-5 oed. Maent yn cyflwyno plant ac yn eu trochi yn yr iaith Gymraeg ac yn darparu ystod o weithgareddau a phrofiadau ysgogol trwy gyfrwng y Gymraeg. Maent yn croesawu asiantaethau allanol i ddarparu gweithgareddau allanol trwy gyfrwng y Gymraeg hefyd, gan gynnwys Sparklab Cymru gwyddoniaeth, chwaraeon Urdd Cymru, Animals Interactive experience a Kidslingo Ffrangeg a Sbaeneg.
• Gwahoddir y plant i ddysgu am eu cymuned leol a thirnodau “ein cymuned” gan gynnwys tripiau i lefydd lleol. Cynhaliwyd Eisteddfod Wibli Wobli fechan yn ystod Wythnos yr Eisteddfod Genedlaethol ym mis Awst lle bu plant yn cymryd rhan mewn gweithgareddau tebyg, cystadlaethau a dawns, paent wyneb, celf ayb. Maent yn cyfathrebu ag ysgol Gymraeg ym Mhatagonia ac yn rhannu eu profiadau a’u diwylliant gwahanol gyda nhw.
• Maent hefyd wedi ymrwymo i weithio gyda rhieni a gofalwyr gyda phlant yn y lleoliad ac yn y gymuned leol yn ei chyfanrwydd i hybu’r defnydd o’r Gymraeg yn y cartref. Maent yn cyfathrebu â chwsmeriaid yn ddwyieithog trwy ap y feithrinfa, cyfryngau cymdeithasol, cylchlythyrau ac e-bost. Maent yn darparu gwybodaeth am apiau, llyfrau sain ac adnoddau Cymraeg y gellir eu defnyddio gartref. Maent yn darparu gwasanaeth llyfrgell lle gall rhieni fenthyg llyfrau Cymraeg yn rhad ac am ddim. Mae plant yn cymryd eu tro i fynd â Mr Wibbles a Mr Wobbles adref am yr wythnos i ymweld â’r gymuned leol ac ysgrifennu am eu hanturiaethau, yn ddelfrydol yn Gymraeg neu gan ddefnyddio rhai geiriau Cymraeg.
• Maent hefyd yn darparu sesiynau Ti a Fi misol rhad ac am ddim i rieni a gofalwyr yn yr ardal leol ble maent yn darparu chwarae am ddim, coffi a the i oedolion, gweithgareddau i’r plant a chaneuon Cymraeg ac amser cylch ar y diwedd.

• Mae'r cwmni yn falch o'i ddelwedd gorfforaethol Gymraeg ac yn hyrwyddo ei hun fel gweithle lle gellir defnyddio'r Gymraeg o ddydd i ddydd.
• Rhoddir cynnig rhagweithiol o'r Gymraeg i'w cwsmeriaid a defnyddwyr gwasanaethau trwy gychwyn sgyrsiau yn Gymraeg.
• Bydd staff yn sicrhau fod defnyddwyr gwasanaethau yn ymwybodol o werth economaidd y Gymraeg i'w busnesau ac fe roddir pob anogaeth a chefnogaeth i fusnesau sydd yn dymuno cynyddu'r defnydd o'r Gymraeg yn eu busnesau - trwy gyfeirio at gymorth priodol.
• Parhau i gefnogi staff i ddatblygu sgiliau iaith Gymraeg fel eu bod yn magu hyder i ddefnyddio'r iaith gyda cwsmeriaid i'r lefel sy'n ddymunol ar gyfer y swydd.
• Rhoi blaenoriaeth i'r Gymraeg o fewn gweinyddiaeth ddwyieithog y cwmni. Cymraeg yw iaith prif bwyllgorau'r cwmni gan gynnwys Y Bwrdd a'r Pwyllgor Rheoli ac fe ddarperir offer cyfieithu yn ôl yr angen mewn cyfarfodydd mewnol ac allanol.

• Cynnig clybiau ar ol ysgol a chlybiau gwyliau i blant sy’n mynychu ysgolion gynradd Cymraeg yng Nghasnewydd.
• Codi ymwybyddiaeth ymysg rhieni o’u darpariaeth Gymraeg a’u hannog i ddenfyddio’r Gymraeg gyda’i plant
• Trefnu sesiynau Hwyl i’r Teulu yn ystod y gwyliau ysgol – creu cyfleoedd i rieni ymarfer eu Cymraeg mewn amgylchedd groesawgar ac anfeirniadol

·       Mae croeso i unrhyw un gysylltu gyda nhw yn Gymraeg. Bydd unrhyw ohebiaeth Cymraeg yn derbyn ymateb yn Gymraeg

·       Mae eu delwedd yn un Cymraeg, a maent yn defnyddio deunyddiau dwyieithog i hyrwyddo gwasanaethau

·       Mae eu presenoldeb digidol yn Gymraeg.

·       Maent yn dylanwadu ac yn cefnogi eraill i gynyddu eu gwasanaethau Cymraeg

·       Maent yn annog ac yn cefnogi staff i ddatblygu eu sgiliau Cymraeg