Mae chwe thribiwnlys datganoledig yn rhan o Dribiwnlysoedd Cymru – Tribiwnlys Adolygu Iechyd Meddwl Cymru, Tribiwnlys Addysg Cymru, Tribiwnlys Eiddo Preswyl Cymru, Tribiwnlys Tir Amaethyddol Cymru, Tribiwnlys y Gymraeg a Phanel Dyfarnu Cymru.
Gallwch ymwneud â holl brosesau pob un o Dribiwnlysoedd Cymru trwy gyfrwng y Gymraeg neu’n ddwyieithog, yn cynnwys anfon a derbyn gohebiaeth a dogfennau, trafod â’r weinyddiaeth a chyflwyno tystiolaeth ar lafar ac yn ysgrifenedig.
Gall pob un o Dribiwnlysoedd Cymru benodi panel cwbl ddwyieithog i wrando ac ystyried achosion.
Mae holl ffurflenni, canllawiau ac adroddiadau’r Tribiwnlysoedd ynghyd â gwybodaeth arall ar gael yn Gymraeg ar eu gwefannau.
Mae dolenni i wefannau unigol y chwe thribiwnlys ar gael trwy’r ddolen isod.
