Hyrwyddo Gwasanaethau Sefydliadau Cyhoeddus
Canolfan Mileniwm Cymru
- Mae modd i gwsmeriaid gysylltu â’r Ganolfan mewn nifer o ffyrdd yn Gymraeg a Saesneg.
- Mae ‘sgwrsbot’ dwyieithog y Ganolfan yn medru ateb ymholiadau syml yn ddwyieithog. Os nad oes modd ateb eich ymholiad, mae modd o drosglwyddo’r ymholiad i aelod o staff gan ar y ‘sgwrsbot’.
- Mae modd cysylltu gyda’r Ganolfan yn Gymraeg dros ffôn neu wyneb yn wyneb.
- Gall ddefnyddwyr y Ganolfan dderbyn cymorth gan siaradwyr Cymraeg wrth y Ddesg Wybodaeth yn y bar-caffi ‘Ffwrnais’.
- Medrir archebu tocynnau am unrhyw ddigwyddiadau neu ateb unrhyw ymholiad gan gwsmeriaid yn ddwyieithog, gan gynnwys trosglwyddo i aelod o staff Cymraeg eu hiaith os dymunir.
CITB
- Mae eu Tîm Ymgysylltu Cymraeg yn cynnig gwasanaeth cwbl ddwyieithog i gyflogwyr, prentisiaid a rhanddeiliaid.
- O fewn hyfforddiant adeiladu, gallent ddelio â phob ymholiad neu gyngor gyrfa drwy gyfrwng y Gymraeg.
- Mae’r wefan “Go Construct” a’r broses archebu prawf HS&E ar gael yn ddwyieithog.
- Maent yn croesawu gohebiaeth yn Gymraeg ac yn ymateb yn yr un iaith.
- Mae’r Gymraeg yn cael ei hyrwyddo fel iaith waith yn y sector adeiladu ledled Cymru.
Cofrestrfa Tir Ei Fawrhydi
- Mae’r Gofrestrfa Tir yn hapus i dderbyn ymholiadau a gohebiaeth yn Gymraeg.
- Drwy eu gwasanaethau ar-lein, mae modd chwilio am wybodaeth am eiddo, y math o berchnogaeth eiddo, manylion perchennog a gwybodaeth am brisiau tai ac eiddo yn Gymraeg.
- Mae modd cael mynediad at wybodaeth am berchnogaeth eiddo a gwerthiannau blaenorol, yn ogystal a prisiau cyfartalog eiddo yng Nghymru a Lloegr ers 1995, Yr Alban ers 2004 a Gogledd Iwerddon ers 20025 drwy gyfrwng y Gymraeg.
- Ceir hefyd mwy o fanylion am wasanaethau eraill Cofrestrfa Tir Ei Fawrhydi ar https://www.gov.uk/government/organisations/land-registry/about/welshj-language-scheme.cy
Colegau Cymru
- Drwy eu gwaith polisi ac eiriolaeth, mae Colegau Cymru yn sicrhau bod y Gymraeg wedi’i hymgorffori ym mhob agwedd o’u gwaith.
- Ceir cydweithio agos â sefydliadau fel y Coleg Cymraeg Cenedlaethol, Medr, a Cymwysterau Cymru i hyrwyddo addysg cyfrwng Cymraeg ar draws y sectorau addysg bellach a dysgu seiliedig ar waith.
- Mae Colegau Cymru yn sicrhau bod myfyrwyr yn medru elwa o brosiectau datblygu sy’n cynnwys y Gymraeg fel elfen graidd.
- Mae Rhaglen Ddatblygu’r sefydliad yn cyfoethogi profiadau dysgu ac yn gwella canlyniadau ar draws y sector addysg bellach.
- Rhoddir ffocws ar feysydd megis lles corfforol a meddyliol ac anghenion dysgu ychwanegol.
Coleg Brenhinol Cerdd a Drama Cymru
- Mae canran uchel o’u staff addysgu ac allgymorth yn gallu cynnig gwasanaeth cwbl ddwyieithog mewn Cerddoriaeth a Drama.
- O fewn eu gweithdai a phrosiectau partneriaeth, gallent ddelio â phob ymholiad neu sesiwn drwy gyfrwng y Gymraeg.
- Mae’r Ganolfan Gelfyddydau, rhaglenni, arwyddion a chyhoeddiadau cyhoeddus yn ddwyieithog.
- Maent yn croesawu gohebiaeth yn Gymraeg ac yn ymateb yn yr un iaith.
- Mae’r Gymraeg yn cael ei hyrwyddo’n weithredol mewn perfformiadau gydag is-deitlau.
- Ceir presenoldeb gan y Coleg mewn digwyddiadau cenedlaethol fel Eisteddfod yr Urdd a’r Eisteddfod Genedlaethol.
Coleg Gwent
- Mae Coleg Gwent yn croesawu myfyrwyr sydd am astudio drwy gyfrwng y Gymraeg neu’n ddwyieithog ym mhob campws.
- Gall myfyrwyr dderbyn cymorth un-i-un i gwblhau gwaith yn Gymraeg, cyngor ar apiau defnyddiol, a chefnogaeth ar gyfer asesiadau.
- Darperir cymorth i myfyrwyr i ddatblygu sgiliau Cymraeg drwy gyrsiau Cymraeg Ail Iaith Lefel AS/A a thrwy gweithgareddau Clwb Cymraeg y Coleg.
- Mae’r Coleg hefyd wedi ymrwymo i hyrwyddo’r Gymraeg drwy weithgareddau all-gyrsiol fel Dydd Santes Dwynwen, yr Eisteddfod, a theithiau i leoliadau Cymraeg.
Coleg Sir Benfro
- Mae eu deunyddiau gwybodaeth, ffurflenni a chyfathrebu â myfyrwyr ar gael yn ddwyieithog.
- Mae’r Gymraeg yn cael ei hyrwyddo fel rhan o brofiad addysgol cynhwysol ar draws y Coleg.
- Mae modd cysylltu â’r Coleg yn Gymraeg drwy’r gwasanaeth ffôn 01437 753 000 a dewis opsiwn 2 neu gysylltu yn Gymraeg mewn e-bost.
- Darperir gwasanaeth cymorth ar unrhyw agwedd ar astudio yn Gymraeg gyda’r Tîm Datblygu’r Iaith Gymraeg drwy ffonio 01437 753435/121
Coleg y Cymoedd
- Darperir nifer o opsiynau a chefnogaeth ddwyieithog gan y Coleg ar gyrsiau amrywiol megis Gofal Plant, Iechyd a Gofal Cymdeithasol, Chwaraeon, Gwasanaethau Cyhoeddus, Diwydiannau Creadigol a Busnes yn ddwyieithog.
- Mae modd i myfyrwyr gofrestru a derbyn gohebiaeth a ffurflenni yn Gymraeg, yn ogystal â mynediad at wasanaethau Lles, Gyrfaoedd a Chefnogaeth Ddysgu.
- Penodir llysgenhadon a Phencampwyr Cymraeg gan y Coleg i hyrwyddo’r Gymraeg ymhlith dysgwyr, cynorthwyo gyda digwyddiadau, diwrnodau agored a chynnwys cyfryngau cymdeithasol.
- Mae’r Coleg yn falch o fedru cynnig cyfleoedd i ymgysylltu’n llawn â chymuned y Coleg yn newis iaith ei myfyrwyr.
Comisiwn Apwyntiadau Barnwrol
- Mae’r Comisiwn Apwyntiadau Barnwrol yn dewis ymgeiswyr ar gyfer swyddi barnwrol yng Nghymru a Lloegr, yn ogystal ag apwyntiadau ar gyfer rhai tribiwnlysoedd sydd â phwerau ledled y DU.
- Drwy eu proses recriwtio, mae modd i unigolion weld gwybodaeth am swyddi barnwrol yn Gymraeg.
- Mae modd i ymgeiswyr gyflwyno ceisiadau am swyddi penodol o fewn y farnwriaeth drwy gyfrwng y Gymraeg.
- Mae’r Comisiwn hefyd yn Cynorthwyo i sicrhau bod y broses ymgeisio yn hygyrch i siaradwyr Cymraeg ac yn ymdrechu i gydweithio â’r farnwriaeth yng Nghymru i adlewyrchu sgiliau Cymraeg fel rhan o’r gofynion swydd.
- O fewn eu prosesau dethol, gallent asesu sgiliau Cymraeg fel rhan o’r gofynion swydd.
- Mae eu cyfathrebu â’r cyhoedd a’r farnwriaeth yng Nghymru ar gael yn ddwyieithog.
- Maent yn croesawu gohebiaeth yn Gymraeg ac yn ymateb yn yr un iaith.
- Mae’r Gymraeg yn cael ei chynnig fel iaith gyfathrebu safonol ar draws eu gwasanaethau recriwtio barnwrol.
Comisiwn Cydraddoldeb a Hawliau Dynol
- Y Comisiwn Cydraddoldeb a Hawliau Dynol yw rheoleiddiwr cydraddoldeb a hawliau annibynnol Prydain, sef sefydliad Hawliau Dynol Cenedlaethol (NHRI) â ‘Statws A’ achredwyd gan y Cenhedloedd Unedig.
- Rôl y Comisiwn yw sicrhau bod Prydain yn lle tecach drwy orfodi a chynnal cyfreithiau sy’n amddiffyn hawl pawb i degwch, urddas a pharch.
- Drwy eu gwasanaethau digidol ac ar lein, mae modd i unigolion gael mynediad at wybodaeth am hawliau dynol a chydraddoldeb yn Gymraeg.
- Mae modd i unigolion defnyddio’r ‘Traciwr Hawliau Dynol’ i olrhain perfformiad llywodraethau Cymru a’r DU yn ei iaith ddewisol.
- Ceir cyhoeddiadau ac adroddiadau ar wefan ddwyieithog y Comisiwn.
Comisiwn Elusennau
- Y Comisiwn Elusennau yw rheoleiddiwr a chofrestrydd elusennau y Deyrnas Unedig.
- Drwy eu porth ar-lein “Fy Nghyfrif Comisiwn Elusennau”, mae modd i unigolion a chymdeithasau gofrestru gyda’r Comisiwn, gwneud cais a derbyn canllawiau yn Gymraeg.
- Mae modd i ddefnyddwyr ystyried canllawiau 5 munud ar gyfer staff ac ymddiriedolwyr elusennau yn eich iaith ddewisol.
- Cynorthwyo i sicrhau bod penderfyniadau, rheoli cyllid a diogelu pobl yn cael eu cefnogi’n llawn yn Gymraeg.
- Mae’r canllawiau hyn yn cynnwys cyngor ar wneud penderfyniadau fel ymddiriedolwr, gwrthdaro buddiannau, rheoli cyllid a diogelu pobl.
- Mae modd gwneud cais i gofrestru elusen yn y Gymraeg ar wefan y Comisiwn.
Comisiwn Ffiniau i Gymru
- Drwy eu gwasanaethau digidol ac ar lein, mae modd cysylltu â’r Comisiwn yn Gymraeg dros y ffôn ar 02920464819, e-bost ymholiadau@cdffc.llyw.cymru neu drwy’r wefan ar www.cdffc.llyw.cymru.
- Atebir pob galwad ffôn yn Gymraeg yn gyntaf, ac mae cyfathrebu drwy e-bost a’r wefan yn gwbl ddwyieithog.
- Mae modd i unigolion ymateb i ymgynghoriadau yn Gymraeg drwy’r porth www.arolygoncymru.cymru
- Mae’r Comisiwn yn sicrhau bod pob cyswllt â’r Comisiwn yn cael ei drin yn gyfartal waeth beth fo’r iaith.