Enwau Lleoedd Safonol Cymru
Nodiadau
Defnyddir cysylltnodau mewn enwau lleoedd er mwyn dangos nad yw'r brif acen yn syrthio ar y goben (y sillaf olaf ond un). Aceniad terfynol sydd i Hendy-gwyn, felly mae angen cynnwys cysylltnod o flaen y sill derfynol acennog.
Fel yn achos Pen-y-bont ar Ogwr a Tal-y-bont ar Wysg, pan fo enw'n hir ac eisoes yn cynnwys cysylltnodau, nid oes angen cysylltnodau bob ochr i'r arddodiad sy’n dilyn rhan gyntaf yr enw. Felly hefyd yn achos Hendy-gwyn ar Daf.
Mae Hendy-gwyn hefyd yn ffurf safonol dderbyniol.
