Mae gan bobl Cymru hawliau cyfreithiol i ddefnyddio’r Gymraeg.
Sefydlwyd Diwrnod Hawliau’r Gymraeg yn 2019, a dewiswyd 7 Rhagfyr i nodi dyddiad pasio Mesur y Gymraeg (Cymru), sef y ddeddfwriaeth a wnaeth yr hawliau yn bosibl, gan y Senedd.
Ar 7 Rhagfyr bob blwyddyn rydym yn cynnal Diwrnod Hawliau'r Gymraeg i ddathlu'r hawliau hyn. Bwriad y diwrnod yw codi ymwybyddiaeth o gyfleoedd i ddefnyddio'r Gymraeg.
Safonau’r Gymraeg sy’n creu’r hawliau. Ar Ddiwrnod Hawliau’r Gymraeg rydym yn cydweithio gyda’r sefydliadau sy’n gweithredu’r safonau i dynnu sylw at gyfleoedd i ddefnyddio'r Gymraeg a sut mae profiadau pobl o ddelio â nhw yn Gymraeg wedi gwella.
Rydym yn dathlu Diwrnod Hawliau’r Gymraeg gydag amrywiaeth o weithgareddau ar y cyfryngau cymdeithasol ac mae rhai sefydliadau, pan fo cyfyngiadau COVID-19 yn caniatáu, yn cynnal digwyddiadau arbennig yn eu swyddfeydd neu ar gampws.
*Hawlfraint llun baner: Urdd Gobaith Cymru.