Pwyllgor Archwilio a Risg
Rydym yn chwilio am aelod newydd i ymuno â Phwyllgor Archwilio a Risg Comisiynydd y Gymraeg i gychwyn ym Mehefin 2024. A oes gennych brofiad yn y maes cyfreithiol ac â diddordeb ym materion llywodraethu yn y Sector Gyhoeddus? Os felly, dyma’r cyfle i chi.
Am fwy o wybodaeth am y cyfle hwn plîs gweler y pecyn recriwtio neu cysylltwch â ni ar swyddi@cyg-wlc.cymru.
I fynegi diddordeb anfonwch gopi o’ch CV a llythyr atom erbyn canol dydd, 30 Ebrill 2024 at swyddi@cyg-wlc.cymru.
Sut i ymgeisio?
Rydym yn derbyn ceisiadau am swyddi drwy gyfrwng y Gymraeg yn unig. Mae’n bwysig bod gan yr unigolion sy'n gweithio i ni lefel uchel o Gymraeg.
Mae gofyn i bob ymgeisydd lenwi'r ffurflen gais, a'r ffurflen monitro cydraddoldeb os yw hynny'n bosib.
Dylech anfon eich ffurflen gais wedi’i chwblhau at swyddi@cyg-wlc.cymru erbyn y dyddiad a nodwyd ar y disgrifiad swydd.
Os oes gennych gwestiwn neu ymholiad ynglŷn â gweithio i Gomisiynydd y Gymraeg, cysylltwch â ni.
Pam ddylech weithio yma?
Ein hamcan yw bod yn weithle cyfeillgar a chynhwysol, ac mae meithrin ymdeimlad agos o gymuned yn flaenoriaeth i ni. Credwn mewn creu amgylchedd gwaith sy’n galluogi aelodau staff ar draws y sefydliad i ddatblygu eu sgiliau, ac i gyrraedd eu llawn botensial.
